Bu barədə Aztibb.az-a Xəstəxanadan xəbər verilib.

 

Acılış nitqi ilə çıxış edən Gəncə Şəhər Birləşmiş Xəstəxanasının direktor İlkin İsmayılov Zərifə xanım Əliyevanın peşəkar həkim olmaqla yanaşı, həm də peşəsini vicdanla yerinə yetirən oftalmoloq-alim olduğunu bildirib. O, görkəmli alimin insanların sağlamlığının qorunmasında, xəstəliklərin qarşısının alınmasında göstərdiyi xidmətlərdən danışıb, onun öz həmvətənlərinin qayğısına qalan humanist insan olduğunu diqqətə çatdırıb.

 

Daha sonra Oftalmologiya şöbəsinin müdiri Tələt Nəbiyev çıxış edərək bildirib ki, akademik Zərifə Əliyevanın effektiv mübarizə üsulları təkcə oftalmologiya elmi üçün deyil, bütövlükdə respublikanın səhiyyəsi üçün mühüm əhəmiyyət daşıyır. O, Zərifə xanımın bütün insani keyfiyyətləri ilə əsl Azərbaycan qadınının ideal obrazını yaratdığını vurğulayıb.

 

Qeyd edilib ki, Zərifə xanım Əliyevanın zəngin elmi irsi, oftalmologiyanın müxtəlif sahələri üzrə apardığı tədqiqatlar, qazandığı nailiyyətlər, yaratdığı fundamental əsərlər Azərbaycan tibb elminin parlaq səhifəsidir. Azərbaycan oftalmologiyasını dünya səviyyəsində tanıdan akademik Zərifə xanım Əliyeva təbabətdə öz dəst-xətti olan novator alim olub.

 

Tədbirdə Zərifə xanımın əziz xatirəsinin tanınmış həkim, görkəmli alim, eyni zamanda qayğıkeş ana, sədaqətli ömür-gün yoldaşı kimi daim qəlblərdə yaşadığı bildirilib.