Təcili tibbi yardımın qəhrəman əməkdaşı - Əfrasiyab Əliyev 
19.04.2024 10:05
44 günlük Vətən müharibəsində Respublika Təcili və Təxirəsalınmaz Tibbi Yardım Mərkəzinin təcili tibbi yardım briqadaları tərəfindən yaralı əsgər və zabitlərə tibbi yardım göstərilib, onlar döyüş bölgəsindən çıxarılıb və təxliyə olunub.
 

Aztibb.az xəbər verir ki, belə qəhrəman təcili tibbi yardım əməkdaşlarından biri də Əliyev Əfrasiyab Şamil oğludur.

 
O, 2015-ci ildən Respublika Təcili və Təxirəsalınmaz Tibbi Yardım Mərkəzinin 19 saylı Təcili tibbi yardım bölməsində sürücü vəzifəsində çalışır.
 
Əfrasiyab Əliyev 44 günlük Vətən müharibəsində aparılan əməliyyatlar zamanı yaralı əsgər və zabitlərin döyüş bölgəsindən çıxarılması və təxliyə olunmasında göstərdiyi xidmətə görə Fəxri fərmanla təltif olunub.