Sumqayıt Tibb Mərkəzini seçən həkimlərin sayı artır  
16.04.2024 08:31
Proktor həkim statusunu qazanan dünyada 12 həkimdən biri olan tanınmış invaziv uşaq kardioloqu, tibb üzrə fəlsəfə doktoru Elnur İmanov Sumqayıt Tibb Mərkəzinin (STM) nəzdində olan Uşaq Xəstəxanasında fəaliyyətə başlayıb.
 
Bu barədə Aztibb.az-a STM-dən məlumat verilib.
 
Bildirilib ki, E.İmanov 1974-cü ildə Bakı şəhərində anadan olub. 1992-2001-ci illərdə Türkiyənin İstanbul Universitetinin “Cerrahpaşa Tıp Fakültesin”də təhsil alıb. 2004-2006-cı illərdə Azərbaycan Tibb Universitetinin Uşaq xəstəlikləri kafedrasında aspiranturaya qəbul olub, eyni zamanda həmin illərdə İstanbul Universitesi “Çapa Tıp Fakültesi”ndə Uşaq xəstəlikləri kafedrasında təhsil alıb.
 
O, 2006-2009-cu illərdə İstanbul şəhərində “Dr Siyami Ersek Kalp Damar Cerrahisi” xəstəxanasında uşaq kardioloqu təhsili alıb. Uşaq kardiologiyası üzrə ixtisaslaşmasını ABŞ-ın Çikaqo şəhərində yerləşən “Rush” universitetində davam etdirib.
 
E.İmanov 2009-2011-ci illərdə Mərkəzi Klinikada uşaq kardioloqu işləyib. 2011-2019-cu illərdə Akademik M.A.Topçubaşov adına Elmi-Cərrahiyyə Mərkəzində böyük elmi işçi kimi fəaliyyət göstərib. 2019-cu ildən etibarən Azərbaycan Tibb Universitetinin Tədris-Terapevtik Klinikasında II Uşaq xəstəlikləri kafedrasında həkim-uşaq kardioloqu, həmçinin müəllim vəzifəsində çalışır.
 
Həkim ABŞ-da fəaliyyət göstərən Pediatrik və Konjenital Kardiologiya Assosiasiyasının, Avropa Kardiologiya Cəmiyyətinin müəllim heyət üzvü, Türkiyə Pediatrik Kardiologiya Cəmiyyətinin və Azərbaycan Kardiologiya Cəmiyyətinin üzvüdür. O, xarici (Türkiyə, ABŞ) və ölkə mətbuatında çap olunmuş 64 elmi işin müəllifidir. Azərbaycan Respublikasında, eləcə də bir çox xarici ölkələrdə keçirilən çoxsaylı elmi konqreslərdə iştirak edib.
 
E.İmanov dünya miqyaslı “ABBOT” təhsil şəbəkəsində proktor həkim statusunu qazanan dünyada 12 həkimdən biridir.
 
İnvaziv kardiologiya sahəsində flaqman sayılan bu şəbəkənin sertifikatı azərbaycanlı həkimin bütün dünya üzrə təlimçi statusunu təsdiqləyir.
 
O, Asiya, Yaxın Şərq, Qafqaz, Şimali Afrika ölkələri üzrə təlimçidir.
ÇOX OXUNANLAR
 Quba Regional Perinatal Mərkəzinin komandası 28-ci həftəsində doğulan körpənin həyatını xilas edib   
Saray Ailə Sağlamlıq Mərkəzinin terapevti Sevinc Zeynalova vəfat edib
Hidrogen xərçəng də daxil olmaqla geniş spektrli xəstəlikləri müalicə edə bilər
Ağcabədi Rayon Mərkəzi Xəstəxanasının kardioloqu - İlqar Quliyev
Hepatoloq Tofiq Əkbərov Türkiyədə XV Beynəlxalq Hepatoloji Konqresdə iştirak edib  
Endokrinoloq mühüm elementi olan “xərçəng əleyhinə” menyu təqdim edib
Həyat yoldaşına böyrəyini bağışladı
 Tibb Müəssisələrinin Akkreditasiyası və Keyfiyyətə Nəzarət Mərkəzi yaradılır - Fərman
Rəşad Mahmudov Lənkəranda Ümummilli Lider Heydər Əliyevin 101 illiyinə həsr olunmuş elmi seminarda çıxış edib
Sumqayıtda tədbir: “Azərbaycan səhiyyəsinin inkişafı Heydər Əliyevin adı ilə bağlıdır” 
 Doğuş prosesini təcili tibbi yardım avtomobilində idarə edən tibb işçiləri təltif olunublar   
Estetik cərrahiyyə və kosmetoloji sahədə qanun pozuntularına yol verən 9 klinika rəhbərliyi məsuliyyətə cəlb olunub
Yuxunun kifayət qədər olmaması orqanizmi infeksiyalara qarşı həssas edir - MÜSAHİBƏ
Milli Oftalmologiya Mərkəzinin Dəmiryol Səyyar Klinikası tərəfindən Astarada tibbi aksiya keçirilib
Xroniki xəstəlik nədir?