Səhiyyə Nazirliyinin Elmi-Tədqiqat Ağciyər Xəstəlikləri İnstitutunda növbəti ağacəkmə aksiyası keçirilib.

Aztibb.az-ın xəbərinə görə, “Yaşıl dünya naminə həmrəylik ili” çərçivəsində təşkil edilmiş aksiyada ümumilikdə 1 hektardan çox ərazidə, Abşeron yarımadasının torpaq-iqlim şəraitinə uyğun 100-dən çox müxtəlif növ xan çinarı, eldar şamı, buksus (samşit) və oliandr ağac tingləri əkilib.

Ekoloji davamlılıq, yaşıllıq zonalarının bərpası və genişləndirilməsini təşviq edən tədbirin məqsədi ictimaiyyətin diqqətini bu sahəyə cəlb etmək və iştirakçılığını artırmaqla ətraf mühitin mühafizəsi, ekoloji təhlükəsizliyin təmini və iqlim dəyişikliyi ilə mübarizəyə töhfə verməkdir.

Aksiyada, həmçinin Səhiyyə Nazirliyi Elmi-Tədqiqat Ağciyər Xəstəlikləri İnstitutunun rəhbərliyi və kollektivi də iştirak edib.