TƏBİB-in tabeliyində fəaliyyət göstərən Goranboy Rayon Mərkəzi Xəstəxanasının akt zalında Ramazan bayramı münasibətilə tədbir keçirilib.

Tibb müəssisəsindən Aztibb.az-a bildirilib ki, Goranboy Rayon Mərkəzi Xəstəxanasının baş həkimi Arzu Teymurov kollektivi İslam dünyasının müqəddəs Ramazan bayramı münasibətilə təbrik edib. Bildirib ki, İslam dininin humanist dəyərlərini özündə yaşadan və insanları birliyə, bərabərliyə, paylaşmağa səsləyən Ramazan ayı Azərbaycan xalqının mənəvi dünyasında xüsusi əhəmiyyət kəsb edir. Ölkəmiz birgəyaşayışın, bərabərlik və qarşılıqlı anlaşmanın ideal məkanı, xalqımız bu kimi mütərəqqi dəyərlərin sadiq daşıyıcısıdır.

Arzu Teymurov qeyd edib ki, Ramazan bayramının fitrət və fəlsəfəsinin əsasını mənəvi zənginlik, yardımlaşmaq təşkil edir və orucluq ayini insanın sosial məsuliyyət hissini bir daha xatırladır.

O, çıxışının sonunda tədbir iştirakçılarına müqəddəs bayram münasibətilə cansağlığı, səadət və yeni uğurlar arzulayıb.