Səhiyyə Nazirliyinin İctimai Səhiyyə və İslahatlar Mərkəzi (İSİM), Ailə, Qadın və Uşaq Problemləri üzrə Dövlət Komitəsi və Bakı şəhəri üzrə Təhsil İdarəsinin birgə təşkilatçılığı, Elm və Təhsil Nazirliyinin dəstəyi ilə maarifləndirici tədbir keçirilib.

 

İSİM-dən Aztibb.az-a bildirilib ki, Bakı şəhəri 250 nömrəli və 5 nömrəli tam orta məktəblərin yuxarı sinif şagirdləri üçün təşkil edilən tədbir “Sağlam ətraf mühit, sağlam gələcək” mövzusuna həsr olunub.

 

Dövlət komitəsinin Ailə məsələləri şöbəsinin əməkdaşı Nailə İbrahimova çıxış edərək, sağlam ətraf mühitin insanın həyatına təsiri barədə iştirakçılara geniş məlumat verib. İSİM-in Layihələrin əlaqələndirilməsi şöbəsinin müdir müavini Ülkər Camalova “Sağlam həyat tərzi” adlı təqdimatla çıxış edərək, sağlam həyat tərzinin əsas amillərindən, zərərli vərdişlərin sağlamlığa təhlükəli təsirlərindən söz açıb.