ABŞ-ın Xəstəliklərə Nəzarət və Qarşısının Alınması Mərkəzləri Texasda bəzi inəklərdə quş qripi virusu aşkar edildikdən sonra məlumat mətni dərc edib. İstanbul Universiteti-Cərrahpaşa Baytarlıq Fakültəsinin professor-müəllim heyəti də ABŞ-dakı həmkarları ilə əlaqə saxlayıb və araşdırma aparıb.

Bu barədə Aztibb.az medimagazin.com.tr-yə istinadla xəbər verir.

“Yüksək Patogen Quş Qripi A(H5N1) Virusu: İnsan İnfeksiyasının İdentifikasiyası və Tədqiqatlar və Müdaxilə üçün Tövsiyələr” başlıqlı mətndə ABŞ-ın müxtəlif ştatlarında müşahidə edilən H5N1 virusu ilə bağlı xəbərdarlıq edilib. Virusun mal-qara təsərrüfatlarında və süd təsərrüfatlarında yayıldığı bildirilib.

İlkin tapıntılara görə, virus 5 ştatda: Texas, Kanzas, Aydaho, Nyu Meksiko və Miçiqand, toyuqlarda, köçəri quşlarda, müxtəlif bölgələrdə mal-qarada və Texasda süd məhsulları istehsal edən müəssisənin işçisində konyunktivitə bənzər yüngül simptomlarla müşahidə edilib. Onun mal-qara ilə də yaxın təmasda olduğu bildirilir.

Süd istehsal edən müəssisədə çalışan şəxsə görə virusun 'mal-qaradan insana yoluxma' ehtimalının vurğulandığı və məsələnin elm adamları tərəfindən araşdırıldığı qeyd edilib.