Qəzzada sağlamlıq böhranı: Xəstələr yaxşı qidalana bilmədikləri üçün yaraları sağalmır
08.04.2024 13:29

İsrailin 6 aydır hücumunun davam etdiyi Qəzzada səhiyyə xidmətlərinə çıxış demək olar ki, qeyri-mümkün hala gəlib. Qidalanmadığından yaraları sağalmayan xəstələr ciddi yoluxma halları ilə üzləşirlər.

 

Aztibb.az bu barədə medimagazin.com.tr-yə istinadla xəbər verir.

 

Əl-Cəzir kanalına danışan 54 yaşlı həkim Riyad Almasharqah, xəstələr arasında yoluxma nisbətinin "təxəyyüldən kənar" olduğunu söyləyib. Bildirib ki, plastik və rekonstruktiv cərrah bildirib ki, alətlər nadir hallarda sterilizasiya edilir və xəstələr çox vaxt izdihamlı palatalarda qalırlar. Bütün bunlar İsrailin Qəzzaya qida və tibbi ləvazimatların daxil olmasını ciddi şəkildə məhdudlaşdıran mühasirənin nəticəsidir.

 

Ac, yorğun və ətrafdakıların təhlükəsizliyindən qorxan tibb işçiləri mühasirəyə alınmış Qəzza zolağında qalan, demək olar ki, fəaliyyət göstərməyən bir neçə tibb müəssisəsindəki insanlara kömək etmək üçün mübarizə aparırlar.