O, Gömrük Hospitalında ümumi anesteziya, regional anesteziya (spinal anesteziya, epidural anesteziya və periferik bloklar), traxeyanın intubasiyası və ekstubasiyası, mərkəzi damarlara kateterin qoyulması, invaziv və non-invaziv monitorinq, ağciyərlərin invaziv və non-invaziv ventilasiyası, traxeostomanın açılması, ağrı terapiya pompasının tətbiqi (PCA), lumbal punksiya və onurğa beyin mayesinin alınması, bronxoskopiya ilə bronxların lavajı, defibrilasiya və kardioversiya, ürək daxili inyeksiyaların yeridilməsi prosedurlarının icrası ilə məşğul olur. 

 

Rəşad Nəsirli yüksəkixtisaslı həkimdir, özünə qarşı tələbkar və işində məsuliyyətlidir. Dünya tibb sahəsində baş verən hadisələri izləyir, elmin son nailiyyətlərini öyrənir və öz fəaliyyətində tətbiq edir. Bilik və bacarıqlarını təkmilləşdirmək məqsədilə yerli və beynəlxalq konfranslarda yaxından iştirak edir.

 

Həkim 2011-ci ildə Ankarada Dışkapı Egitim-Araştırma Xəstəxanasında 3 aylıq təkmilləşdirmə kursu keçib. 2011-2013-cü illərdə Türkiyənin Antalya şəhərində Avrasiya Hematoloji Konfranslarında, 2015-ci ildə Türkiyənin paytaxtı Ankarada İntensiv Terapiya Dərnəyinin konqresində, 2018-ci ildə Türkiyənin Antalya şəhərində Birinci Beynəlxalq Transplantasiya konqresində fəal iştirak edib, 2018-ci ildə Malatya İnönü Universitetinin Qaraciyər nəqli İnstitutunda 1 aylıq təşkilləşdirmə kursu, yenə həmin ildə Malatyada Qaraciyər Nəqli Xəstəxanasında Anesteziya üzrə kurs keçib.

 

O, 2021-ci ildə Azərbaycan respublika Səhiyyə Nazirliyi tərəfindən Fəxri fərman ilə təltif olunub. 2023-cü ildə Avstriyanın Zalsburq şəhərində Open Medical İnstitute", “Weill Corner Medicine” təşkilatının və Vyana Tibb Universitetinin təşkilatçılığı ilə keçirilən “Anesteziologiya və İntentsiv terapiya” mövzusunda seminarda COVID-19 xəstələrində ECMO təcrübəsi ilə bağlı çıxış edib.

 

Rəşad Nəsirli Azərbaycan İntensiv Terapiya Assosiasiyasının üzvüdür.