Qazax Rayon Mərkəzi Xəstəxanasında yeni tibbi avadanlıq istifadəyə verilib.

 

Xəstəxanadan Aztibb.az-a verilən məlumata görə, bu avadanlıq qulaq, burun, udlaq və qırtlaq müayinəsi endoskopudur.

 

Fiberoptik endoskopiya qulaq, burun, udlaq və qırtlaq müayinəsini təmin edən cihazdır. Endoskopiya müayinəsi çətin olan nahiyələrin müşahidəsini həkim üçün asanlaşdırır və pasiyent üçün isə müayinəni daha rahat və ağrısız edir.

 

Bundan başqa, sərt endoskop ucluqlarından fərqli olaraq, pasientin qəfil hərəkətləri zamanı (başını sağa və sola çevirməsi) baş verəcək zədələnmə halları da bu cihazla müayinə zamanı minimuma enmiş olur. Qırtlaq və səs tellərinin müayinəsi, eləcə də yuxarı tənəffüs yollarının yad cisimləri zamanı fleksibl endoskopiya ideal müayinə metodudur. Qırtlaq müayinəsi zamanı endoskop ucluğunun ağızdan deyil, burundan daxil edildiyi üçün öyümə və ürəkbulanma kimi hallar da müşahidə olunmur.