Mərkəzdən Aztibb.az-a bildirilib ki, tədbir Ginekologiya şöbə müdiri Pərvanə Orucovanın, psixoloqların, həkim və tibb heyətinin iştirakı ilə baş tutub.

 

Sabunçu Tibb Mərkəzinin psixoloqları - Günel İsgəndərli, Ülkər Hadıyeva və Nərmin Məmmədova çıxışlarında xəstələrlə iş zamanı psixoloji rifahın vacibliyi və gərəkli olmasının önəmliliyini diqqətə çatdırıblar.

 

Daha sonra psixoloq Günel İsgəndərli çıxış edərək psixoloqun vəzifələri, psixoloji xidmətin fəaliyyət sahələri, təşkili və tərtib olunmuş plana uyğun şəkildə həyata keçirilməsi istiqamətləri barədə ətraflı məlumat veriblər.

Şöbəyə müraciət edən pasiyentlərin, tibbi heyətin xüsusilə şəhid ailələri qazi və müharibə iştirakçılarının həyat keyfiyyətinin artırılması məqsədilə psixoloji dəyərləndirmələrə cəlb edilməsi vacib addım kimi dəyərləndirilib.

 

Qeyd edək ki, Sabunçu Tibb Mərkəzinin rəhbərliyinin göstərişinə uyğun olaraq, bu mövzuda digər şöbələrdə də silsilə tədbirlər davam etdiriləcəkdir.