ABŞ-ın Texas ştatında bir nəfərdə quş qripi aşkarlanıb. Səlahiyyətlilər qripin son vaxtlar inəklərdə aşkar edilən xəstəliklərdən keçdiyini açıqlayıblar.

Aztibb.az bu barədə medimagazin.com.tr-yə istinadla xəbər verir.

İnəklərdə əvvəllər aşkar edilən yoluxmalarda insanlara keçmə riskinin aşağı olduğuna diqqət çəkən Texas ştatının Səhiyyə Xidmətləri Departamenti bununla bağlı açıqlama yayıb: “Nazirlik ilk insanda aşkarlanan quş qripi hadisəsi ilə bağlı məlumat verir. Xəstənin vəziyyəti quş qripinə yoluxduğu güman edilən inəklərlə təmasdan sonra pisləşib. Xəstənin əsas simptomu konjonktivit idi. Bu, ABŞ-da bir şəxsdə aşkar edilən ikinci quş qripi hadisəsidir və Texas Heyvan Sağlamlığı Komissiyası tərəfindən elan edildiyi kimi, son vaxtlar süd inəklərində quş qripinin aşkarlanması ilə əlaqəli olduğu güman edilir. Quş qripi virusları nadir hallarda insandan insana ötürülür. Buna görə də, geniş ictimaiyyət üçün riskin aşağı olduğuna inanılır”.