İsmayıllı Rayon Mərkəzi Xəstəxanasında 31 mart - Azərbaycanlıların Soyqırımı Günü ilə əlaqədar tədbir keçirilib.
Xəstəxanadan Aztibb.az-a bildirilib ki, əvvəlcə soyqırımı qurbanlarının və şəhidlərimizin əziz xatirəsi bir dəqiqəlik sükutla anılıb.
İsmayıllı Rayon Mərkəzi Xəstəxanasının direktoru Vidadi Rəhimov tədbiri giriş sözü ilə açaraq əsrlər boyu ermənilərin xalqımıza qarşı törətdiyi qanlı cinayətlərindən danışıb. O, 1998-ci ildə Ümummilli Lider Heydər Əliyevin imzaladığı “Azərbaycanlıların soyqrımı haqqında” Fərmanla soyqırımı hadisələrinə siyasi qiymət verildiyini qeyd edib.
Tədbirdən sonra Rayon Mərkəzi Xəstəxanasının kollektivi Azərbaycanlıların Soyqırımı Günü ilə əlaqədar İsmayıllı şəhərində “Ana harayı” abidəsini ziyarət edib. Ziyarət zamanı abidə önünə tər qərənfillər düzülüb, şəhidlərin ruhlarına dualar oxunub.