TƏBİB və “Alman-Azərbaycan Tibb İşçiləri Birliyi” arasında qarşılıqlı əməkdaşlığa dair Anlaşma memorandumu imzalanıb.

Aztibb.az bu barədə TƏBİB-in feysbuk səhifəsinə istinadla xəbər verir.

Görüşdə TƏBİB-in İcraçı direktorunun müavinləri Anar İsrafilov, Araz Nəsirov, müşavir Emil Xəlilov, Tibbi təhsil və innovasiyalar departamentinin rəhbəri Teymur Mirzəbəyli, Beynəlxalq əlaqələr departamentinin rəhbəri Ramin Ağayev, "Alman-Azərbaycan Tibb İşçiləri Birliyi"nin sədri Abbas Əhmədli və Birliyin nümayəndəsi Gülşən Əhmədli iştirak edib.

Əməkdaşlığın TƏBİB-in təşkil etdiyi beynəlxalq tədbirlərə dəstək verilməsinə, beynəlxalq təşkilat, universitet, institut və araşdırmalar mərkəzi kontekstində proqram və layihələrin həyata keçirilməsinə əhəmiyyətli dərəcədə töhfə verəcəyi vurğulanıb.

Qeyd edilib ki, memorandum tərəflər arasında qarşılıqlı, uzunmüddətli və effektiv əlaqələrin qurulması, o cümlədən əməkdaşlıq çərçivəsində koordinasiya prosedurlarını müəyyən edəcək.