Məhsulu istehlak edən iki nəfərin öldüyü, ölüm səbəbinin müəyyənləşdirilməsi istiqamətində araşdırmaların davam etdiyi açıqlanıb.

Aztibb.az medimagazin.com.tr-yə istinadla bildirir ki, Yaponiyada “Beni-koji” pəhriz əlavəsini qəbul edən 100-dən çox insan xəstəxanaya yerləşdirilib.

Tərkibində qırmızı düyü mayası olan “Beni-koji” qəbul edən xəstələrin əksəriyyətinin “böyrək xəstəliyindən” şikayət etdiyi bildirilib.

Yapon şirkəti sözügedən məhsulu ölkə daxilində müxtəlif bölgələrdə bazardan geri çəkməyə qərar verdiyini açıqlayıb.

Səhiyyə Nazirliyi məhsulu istehlak edən 2 nəfərin öldüyünü, ölüm səbəbinin müəyyənləşdirilməsi istiqamətində araşdırmaların davam etdiyini açıqlayıb.

Ölənlərdən birinin bu məhsulu 2021-ci ilin aprelindən 2024-cü ilin fevralına qədər istehlak etdiyi müəyyən edilib.