Alimlər smartfonların xərçəngə səbəb olduğu iddialarını araşdıraraq diqqətəlayiq nəticələrə nail olublar.

Aztibb.az-ın medimagazin.com.tr-yə istinadla məlumatına görə, 17 il ərzində 250 min mobil telefon istifadəçisinin araşdırıldığı elmi araşdırmada mütəxəssislər smartfon və cib telefonu istifadəsinin beyin xərçəngi riskini artırmadığını müəyyən ediblər.

Uzun illərdir cib telefonlarından istifadə edən insanları tədqiq edən London İmperator Kolleci və İsveçin Karolinska İnstitutunun alimləri iştirakçıları diqqətlə araşdırıb və onların məlumatlarını müntəzəm olaraq yoxlayıblar.

Cib telefonlarının yaratdığı elektromaqnit dalğalarının beyin xərçənginə səbəb olduğu fikrini təkzib edən araşdırmada xəstəliklə cib telefonundan istifadə arasında heç bir əlaqə olmadığına diqqət çəkilir.