Respublika Neyrocərrahiyyə Xəstəxanasına boyun və sol qolunda olan şiddətli ağrı şikayətləri ilə müraciət edən 58 yaşlı pasiyent uğurlu əməliyyatdan sonra ambulator müalicə üçün evə buraxılıb.

 

Bu barədə Aztibb.az-a Xəstəxanadan məlumat verilib.

 

Bildirilib ki, 58 yaşlı pasiyent iki aydır davam edən boyun, sol qoluna yayılan ağrılar, barmaqlarda keylik və zəiflik şikayətləri ilə Respublika Neyrocərrahiyyə Xəstəxanasına müraciət edib. MRT müayinəsinə əsasən C6-C7 boyun fəqərəarası diskin sol sinir kompressiya edən yırtığı aşkar edilib. Nicat Müştaqov və Cavid Sadıqlı tərəfindən uğurlu əməliyyat olunaraq nevroloji defisitsiz evə yazılıb.