Qazax Rayon Mərkəzi Xəstəxanasının və “Medic School Training Center” təlim mərkəzinin birgə təşkilatçılığı ilə “Təməl həyat dəstəyi” təlimi keçirilib.

Qazax RMX-dan Aztibb.az-a bildirilib ki, təlimdə müəssisənin həkim və tibb bacıları iştirak ediblər.

Kursun məqsədi həyat üçün təhlükə yaradan bir neçə fövqəladə vəziyyəti dərhal tanımaq, baş verən ürək dayanması, insult və tənəffüs çatışmazlığı hallarında ilk yardımın göstərilməsini, tənəffüs yollarının qorunması və keçiriciliyinin təmin edilməsini, AED-dən erkən istifadəni təmin etməyi öyrətməkdir. Kurs həm nəzəri, həm də praktik hissələrdən ibarət təşkil olunub.

Təlimi uğurla bitirən iştirakçılara Amerika Ürək Assosiasiyasının beynəlxalq sertifikatı təqdim edilib.