TƏBİB-in tabeliyində olan Qəbələ RMX-da ”Azyaşlı uşaqlar, hamilə və zahı qadınlar üçün ev ziyarəti xidmətinin gücləndirilməsi" mövzusunda təlim keçirilib.
Xəstəxanadan Aztibb.az-a bildirilib ki, Şəki TƏB kuratoru Şəlalə Bayramovanın rəhbərliyi ilə gerçəkləşən təlimdə Qəbələ ASM-in şöbə müdirləri, həkim-pediatrlar, mamalar, patronaj tibb bacıları iştirak ediblər.
Təlimçilər Günay Mikayılova və Yeganə Quliyeva "Valideyn - uşaq bağlılığının təbliği", "Ataların cəlb edilməsi" mövzuları üzrə çıxış ediblər, patronaj xidmətinə məsul tibb bacısı Aytən İsayeva isə tibb bacıları ilə fərdi söhbətlər aparıb, keyslərin tərtibatının təkrarən izahını verib.
Sonda hesabat formalarının təhlili və çatışmamazlıqların aradan qaldırılması ətrafında müzakirələr aparılıb.