Azərbaycan Respublikası Səhiyyə Nazirliyinin Elmi-Tədqiqat Tibbi Bərpa İnstitutunda Təşkilati-metodik şöbənin təşkilatçılığı ilə "Ankilozlaşan spondiloartrit: etiopatogenez və müalicə üsulları" adlı seminar keçirilib.

 

İnstitutdan Aztibb.az-a bildirilib ki, tədbirdə Artrologiya şöbəsinin kiçik elmi işçisi Gülcahan Əsədova mövzu üzrə təqdimatla çıxış edib.

 

G.Əsədova xəstəliyin yaranma səbəbindən, erkən və gecikdirilmiş mərhələsindən, xəstəliyin səbəblərindən, klinikasından və müalicəsindən danışıb. Bildirib ki, Ankilozlaşan spondiloartrit xəstəliyini ilk dəfə rus nevroloqu Bexterov tədqiq edib. Bu səbəbdən bütün dünyada xəstəlik Bexterov kimi tanınır. Bu xəstəlik əsasən 20-40 yaşlar arası kişilərdə inkişaf edir. Qadınlarda bu xəstəliyə nadir hallarda təsadüf olunur. Həmçinin, həkimlərin müşahidələrinə görə, qadınlarda bu xəstəlik kişilərlə müqayisədə daha yüngül keçir.

 

Sonda mövzuya dair suallar cavablandırılıb.