Haşimoto xəstəliyi autoimmun adlanan xəstəliklər qrupuna aiddir. Bu xəstəlik ilk dəfə Yapon alimi Akira Hashimoto tərəfindən təsvir edildiyi üçün onun şərəfinə adlandırılan, qalxanabənzər vəzin xroniki iltihabi bir xəstəliyidir.
Aztibb.az xəbər verir ki, Haşimoto xəstəliyi (Autoimmun tiroidit), qalxanabənzər vəzin funksional yetməzliyinə ən çox səbəb olan xəstəlikdir.
Hipotiroidinin əsas simptomları aşağıdakılardır:
Halsızlıq, yorğunluq;
Üşümə, titrəmə və soyuğa qarşı dözümsüzlük;
Səsin qalınlaşması (boğuq səs);
Şişkinlik (əllərdə, üzdə və gözlərin ətrafında);
Çəki alımı və arıqlamada çətinlik;
Qəbzlik;
Dəridə quruluq, az tərləmə;
Saçların tökülməsi, dırnaqların qırılması;
Menstrual pozğunluqlar, sonsuzluq, spontan abortlar;
Yuxu pozğunluğu;
Depressiya.
Diaqnoz- qanda ANTİ-TPO, Anti-TG antitellərinin, sT3, sT4, TSH hormonlarının səviyyəsinə görə müəyyənləşir.
Təəssüf ki, xəstəliyi tamamən sağaldan müalicə üsulu mövcud deyil. Yalnız hipotireozu olan xəstələrə tiroid hormonu (Levotiroksin) təyin olunur. Müalicə, mütəmadi olaraq hormonlar kontrol edilərək ömür boyu davam edilir.
