Naxçıvan Muxtar Respublika səhiyyə nazirinin birinci müavini, nazir vəzifələrini icra edən Samiq Sadıxov bu gün nazirlikdə vətəndaşları qəbul edib.

Bu məlumat Aztibb.az-a Nazirlikdən verilib.

Nazirliyin müvafiq struktur bölmə rəhbərlərinin iştirakı ilə təşkil edilmiş qəbul zamanı vətəndaşların müayinə və müalicə, dərman təminatı, əlilliyin təyini məsələləri, işə qəbul və digər məsələlərlə bağlı müraciətləri dinlənilib, qaldırılan məsələlərin öyrənilməsi və qanunvericiliyin tələblərinə uyğun həlli üçün müvafiq tapşırıqlar verilib.

Qeyd edək ki, vətəndaşlar müraciətlərini Nazirliyin “Çağrı Mərkəzi”nin 2232 nömrəsi vasitəsilə ünvanlaya bilərlər.