Klinikadan Aztibb.az-a bildirilib ki, tədbirdə KTM-in şöbə müdirləri iştirak edib. Onlara əməyin mühafizəsi və yanğın təhlükəsizliyi ilə bağlı vəzifə və məsuliyyətləri izah edilib.

 

Əməyin mühafizəsi üzrə baş mühəndis, bölmə müdiri Sənan Həsənov əməyin mühafizəsi və təhlükəsizliyi ilə bağlı məsələlərin daim diqqətdə saxlanıldığını qeyd edərək bu sahədə həyata keçirilən tədbirlər barədə məlumat verib.

 

Qeyd olunub ki, əməyin mühafizəsi, müəssisələrdə əməyin təhlükəsiz idarə edilməsi, sağlamlığın qorunması mexanizminin yaradılması ilə bağlı hüquqi-praktiki maarifləndirmə işləri aparılır.

 

Bununla yanaşı, yanğın təhlükəsizliyi, yanğın hadisələrinin baş vermə səbəbləri, qarşısının alınması yolları, həmçinin yanğın zamanı zəruri davranış qaydaları kimi mövzular da müzakirə edilib.