Mərkəzi Gömrük Hospitalında istehsalat təcrübəsi keçən 1 nömrəli Bakı Tibb Kolleci və 2 nömrəli Bakı Baza Tibb Kollecinin tələbələri üçün növbəti təlimlər keçirilib.

Bu barədə Aztibb.az-a Hospitaldan verilib.

Dövlət Gömrük Komitəsinin Tibbi xidmət İdarəsinin Elmi-Təcrübi Tədris Mərkəzi tərəfindən hazırlanmış Təlim Fəaliyyət Planına uyğun olaraq 11 mart 2024-cü il tarixində Tibbi Xidmət İdarəsinin elmi-təcrübi tədris mütəxəssisi Şəhla Mirzəzadə tərəfindən “Komanda işinin əhəmiyyəti” və uzman klinik psixoloq, psixoterapevt Arzu Hüseynzadə tərəfindən “Effektiv ünsiyyətin əhəmiyyəti”, 13 mart 2024-cü il tarixində isə Tibbi Xidmət İdarəsinin Sanitar Karantin Xidmətinin baş müfəttişi Hüseyn Qasımov tərəfindən “Təməl Həyata Dəstək-BLS” mövzularında təlimlər keçirilib.

Təlimlər əsnasında nəzəri biliklərlə yanaşı qrup işləri və mulyajlar üzərində praktik bacarıqlar sınaq edilib. Xüsusi maraq doğuran təlimlər sualların cavablandırılması, qrup şəklinin çəkilməsi və təlimlə bağlı rəy və təkliflərin dinlənilməsi ilə uğurla yekunlaşıb.