Aztibb.az-ın "Həkimlərimizi tanıyaq!" rubrikasının budəfəki qonağı Masallı Rayon Mərkəzi Xəstəxanasının otorinolarinqoloqu Kamran Musayevdir.

 

O, 1990-cı ildə Bakı şəhərində doğulub. 2009-cu ildə Moskva şəhərində N.İ.Piroqov adına Elmi-Tədqiqat Universitetinin Müalicə işi fakültəsinə qəbul olub, 2015-ci ildə həmin universiteti bitirib. 2015-ci ildə A.İ.Evdokimov adına Moskva Dövlət Tibb və Stomatoloji Universitetinə otorinolarinqoloq ixtisası üzrə klinik ordinaturaya qəbul olunub, 2017-ci ildə fərqlənmə diplomu ilə universitetdən məzun olub.

 

Kamran Musayev 2017-2020-ci illərdə qulaq, burun, boğaz üzrə L.İ.Sverjevski adına Elmi-Tədqiqat Klinik Universitetində aspiranturaya daxil olaraq doktorluq dərəcəsi qazanıb. Eyni zamanda, həmin universitetdə həkim-otorinolarinqoloq kimi fəaliyyət göstərib.

 

2020-2022-ci illərdə V.V.Veresayev adına Moskva Mərkəzi Kliniki Xəstəxanasında Otorinolarinqologiya şöbəsinin müdiri vəzifəsində çalışıb. 2024-cü ildən Masallı Rayon Mərkəzi Xəstəxanasında otorinolarinqoloq kimi fəaliyyət göstərir.