Respublika Neyrocərrahiyyə Xəstəxanasına aşağı ətraflardakı ağrı şikayətləri ilə müraciət edən orta yaşlı bacı-qardaş uğurlu əməliyyatlardan sonra ambulator müalicə üçün evə buraxılıblar.

 

Bu barədə Aztibb.az-a Xəstəxanadan məlumat verilib.

 

Bildirilib ki, 54 yaşlı kişi və 62 yaşlı qadın pasiyentlər aşağı ətraflarda ağrılar, yeriyişin çətinləşməsi və yeriyiş məsafəsinin azalması şikayətləri ilə tibb müəssisəsinə müraciət ediblər.

 

54 yaşlı kişi pasiyentə V bel fəqərəsi sürüşməsi (L5 spondilolistez) diaqnozu ilə L4-L5-S1 transpedikulyar fiksasiya, dekompressiya (fəqərə implantlarının qoyulması, sinir köklərinin azad edilməsi), 62 yaşlı qadın pasiyentə degenerativ skolioz, lumbal stenoz, spondilolistez diaqnozu ilə transpedikulyar fiksasiya dekompressiya cərrahi əməliyyatları təyin olunub. Hər iki cərrahi əməliyyat Nicat Müştaqov və Fuad Dövlətov, Cavid Sadıqlı tərəfindən uğurla həyata keçirilib. Bacı-qardaş olan pasiyentlər nevroloji defisitsiz evə yazılıblar.