Bu barədə Aztibb.az-a məlumat verən Liv Bona Dea Hospitalının həkimi, tanınmış ürək-damar cərrahiyyə uzmanı Cabir Gülmalıyev bildirib ki, xroniki ürək çatışmazlığı əhalinin 0,5-2%-də müşahidə olunur, 75 yaşdan sonra isə onun yayılması təxminən 10% təşkil edir.

 

Onun sözlərinə görə, yaşlı pasiyentlərdə daha çox tip 2 şəkərli diabet və onun arterial təzyiqlə müştərəkliyi ürək çatışmazlığı ilə nəticələnir.

 

Cabir Gülmalıyev qeyd edib ki, aşağıdakı risk faktorları olan insanlar ürək çatışmazlığına daha çox meyillidirlər:

Yüksək qan təzyiqi (hipertoniya)

Koronar ürək xəstəliyi

İnfarkt keçmişi

Diabet

Piylənmə və ya artıq çəki

Siqaret çəkmək

Həddindən artıq spirt istehlakı

Anadangəlmə və ya qazanılmış ürək xəstəlikləri inkişaf edənlər.