“Qan ver, həyat xilas et!” şüarı altında könüllü qanvermə aksiyası təşkil edilib
04.03.2024 11:27
Səhiyyə Nazirliyi Milli Hematologiya və Transfuziologiya Mərkəzi, Mərkəzi Qan Bankının dəstəyi ilə Gənclər və İdman Nazirliyi “İdman həftəsi” çərçivəsində “Qan ver, həyat xilas et!” şüarı altında könüllü qanvermə aksiyası keçirib.
 
Aztibb.az-a Milli Hematologiya və Transfuziologiya Mərkəzindən verilən xəbərə görə, Milli İdman Tibb və Reabilitasiya Elmi-Praktiki İnstitutunda baş tutan aksiyada Gənclər və İdman Nazirliyinin kollektivi, idmançılar, gənclər, o cümlədən ictimaiyyətin nümayəndələri iştirak ediblər.
 
Qanverməyə eyni zamanda, Bakı şəhər Tibbi-bədən tərbiyəsi dispanserinin və Sumqayıt şəhər Tibbi-bədən tərbiyəsi dispanserinin əməkdaşları, Azərbaycan Dövlət Bədən Tərbiyəsi və İdman Akademiyasının müəllim və professor heyəti, tələbələri, Azərbaycan Milli Antidopinq Agentliyinin əməkdaşları da qoşulublar.
 
Aksiya zamanı qan verən şəxslərə tam gigiyenik şəraitdə tibbi xidmət göstərilib. Aksiyada 200-dən çox donor qan verib.
Səadət Məmmədova
Müəllifin digər yazıları