Şəki RMX-da təlim: "Erkən uşaqlıq illəri - sonsuz imkanlar dövrü, patronaj tibb bacısının yeni rolu" 
04.03.2024 10:09
Qax Rayon Mərkəzi Xəstəxanasının konfrans zalında Şəki-Zaqatala TƏB tərəfindən növbəti təlim keçirilib.
 
Şəki RMX-dan Aztibb.az-a bildirilib ki, kurator Şəlalə Bayramovanın rəhbərliyi ilə təlimçilər Günay Mikayılova, Yeğanə Quliyeva, məsul tibb bacısı Ülviyyə Kərimovanın keçirdiyi təlimdə Qax RMX-nın Poliklinika şöbə müdiri Azad Musayev, Keyfiyyətə nəzarət komitəsinin sədri Sevinc Əsgərova, rayon üzrə patronaj işinə cəlb edilmiş 68 tibb işçiləri iştirak ediblər.
 
"Erkən uşaqlıq illəri - sonsuz imkanlar dövrü, patronaj tibb bacısının yeni rolu" modulları təkrarən təlimçilər tərəfindən izah edilib, eko-xəritələrin işlənilməsi əyani şəkildə aparılıb, kurator tərəfindən patronaj jurnalların, keyslərin tərtibatına baxış keçirilib, çatışmamazlıqların aradan qaldırıması müzakirələri aparılıb.
 
Təlimdə hər bir tibb işçisinə modullara uyğun pre, post- testlər paylanılıb, sonda qiymətləndirilmə aparılıbdır. Təlim interaktiv keçirilib.