Gəncə Şəhər Birləşmiş Xəstəxanasının nəzdində olan Abbas Səhhət adına xəstəxananın Yoluxucu xəstəliklər şöbəsinin həkim-infeksionisti Elçin Məmmədov uzun sürən xəstəlikdən sonra vəfat edib.
Bu məlumat Aztibb.az-a Gəncə ŞBX-dan verilib.
Bildirilib ki, Məmmədov Elçin Bəxtiyar oğlu 24 dekabr 1984-cü ildə Gəncə şəhərində anadan olmuşdu. 2002-2007-ci illərdə Azərbaycan Tibb Universitetinin Tibbi-profilaktika fakültəsində ali təhsil almış, 2007-2008-ci illərdə Abbas Səhhət adına Xəstəxanasının Yoluxucu xəstəliklər şöbəsində internatura kursu keçmişdi. O, 2008-ci ildən həmin şöbədə həkim-infeksionist kimi fəaliyyət göstərirdi.
Azərbaycan Respublikası Prezidentinin 2021-ci il 18 iyun tarixli Sərancamı ilə Məmmədov Elçin Bəxtiyar oğlu "Tərəqqi" medalı ilə təltif edilmişdi.
Allah rəhmət eləsin!