Aztibb.az xəbər verir ki, Ümumdünya İmmunitet Günü immun sisteminin fəaliyyətinin əhəmiyyəti, xüsusiyyətləri və onu möhkəmləndirmək yolları haqqında əhalini məlumatlandırmaq məqsədi daşıyır.

 

İmmunitet sözü latıncadan xilas olmaq kimi tərcümə olunur və mənaca immun sistemini, orqanizmi genetik yad ünsürlərdən qorumaq qabiliyyəti kimi qiymətləndirilir.

 

İmmun sistemi olmasa, insan müxtəlif xəstəliklərə yoluxar. Bununla belə, orqanizm üçün stres yaradan və immun sistemini sarsıdan amillər var. Yuxunun pozulması, tarazlaşdırılmayan qida, düzgün seçilməyən fiziki hərəkətlər, ekologiya və sağlam həyat tərzindən imtina belə amillərdəndir.