İSİM-dən Aztibb.az-a verilən xəbərə görə, Bakı Dövlət Universitetinin Tələbə Gənclər Təşkilatı ilə əməkdaşlıq çərçivəsində təşkil olunan tədbirin məqsədi gənc nəsli sağlam həyat tərzi və düzgün yuxu rejimi barədə məlumatlandırmaq olub.

 

İSİM-in Monitorinq və təhlil şöbəsinin müdir müavini Zümrüd Kazımova gəncləri sağlam həyat tərzi seçməyə, zərərli vərdişlərdən uzaq olmağa, gigiyena qaydalarına riayət etməyə çağırıb. O, geniş təqdimatla çıxış edərək sağlamlığın qorunması, yuxusuzluğun fəsadları haqqında ətraflı məlumat verib. Yuxu rejiminin idrak və dərketmə prosseslərinə təsir etdiyi vurğulanıb və gənclərə sağlam, düzgün yuxu rejiminə riayət etmək tövsiyə olunub.

 

Yekunda iştirakçıları maraqlandıran suallar cavablandırılıb və onlara İSİM tərəfindən hazırlanaraq çap edilən maarifləndirici materiallar təqdim olunub.