İsrailin Qəzzaya amansız hücumları davam edərkən, məşhur tibb jurnalı British Medical Journal (BMJ) tərəfindən təəccüblü bir analiz aparılıb.

Aztibb.az medimagazin.com.tr-yə istinadla bildirir ki, İsrailin 7 oktyabr 2023-cü il tarixindən etibarən Qəzza zolağına təşkil etdiyi hücumlarda həlak olan fələstinlilərin sayı son 24 saatda 114 nəfər artaraq 26 min 751-ə çatıb.

BMJ-nin təhlili, Qəzzada ölənlərin sayının avqustun 6-dək 58,260 ilə 74,290 arasında artacağını proqnozlaşdırıb.

Yeni müstəqil təhlilə əsasən, ölümlərin əsas səbəbləri travmatik xəsarətlər və yoluxucu xəstəliklər olacaq.

Vəba kimi epidemiyalar baş verərsə, həddindən artıq ölüm 85.000-i keçə bilər.