Hindistanda yerləşən bir şirkətin istehsal etdiyi və 69 uşağın ölümünə səbəb olan öskürək siropu ilə bağlı cinayət işində müttəhimlərə müxtəlif cəzalar verilib.
Aztibb.az-ın medimagazin.com.tr-yə istinadla xəbərinə görə, Özbəkistanın paytaxtı Daşkənddə keçən il Hindistanda fəaliyyət göstərən Marion Biotech şirkətinin istehsalı olan "Dok-1 Max" adlı öskürək siropundan istifadə edən 69 uşağın ölümü ilə bağlı başlanan məhkəmə prosesi artıq başa çatıb.
İddia çərçivəsində təqsirləndirilən şəxslər ölümə səbəb olan keyfiyyətsiz dərman preparatlarının istehsalı və satışı, vəzifələrini yerinə yetirməmək və sui-istifadə kimi cinayətlərə görə mühakimə olunublar.
Məhkəmə ölkəyə siropu idxal edən “Kuramax Medikal” və bu dərmanın ölkədə istifadəsinə icazə verən “Dərmanların Standartlaşdırılması Elmi Mərkəzi”nin vəzifəli şəxsləri də daxil olmaqla 23 təqsirləndirilən şəxsə 2 ildən 20 ilə qədər həbs cəzası verib.
Qərara əsasən, bəzi təqsirləndirilən şəxslər vəfat edən uşaqların ailələrinə təzminat ödəyəcək, bəzi təqsirləndirilən şəxslər isə müəyyən müddətə müvəkkil müəssisələrdə işləyə bilməyəcəklər.
