Alimlər Antarktika materikində ilk dəfə olaraq quş qripinin (H5N1) aşkar edildiyini açıqlayıblar.

Aztibb.az bu barədə medimagazin.com.tr-yə istinadla xəbər verir.

“The Guardian” qəzetinin məlumatına görə, Argentina alimləri iki ölü puffini tədqiq ediblər. Onlar quş qripinin iki puffində müşahidə edildiyinə diqqət çəkərək, bunun Antarktika materikində ilk yoluxma olduğunu qeyd ediblər. Elm adamları quş qripinin bütün dünyada yayılmağa davam etdiyini və virusun köçəri quşlar tərəfindən qitə materikinə gətirilə biləcəyini açıqlayıblar.

Antarktika Tədqiqatları Elmi Komitəsi H5N1-dən şübhələnən bəzi halların Antarktidadakı Hope körfəzində də tapıldığını bildirib.

Qeyd edək ki, H5N1 adlı quş qripi səbəbiylə 2021-ci ildən bəri milyonlarla quş tələf olub.