Mərkəzi Gömrük Hospitalının Mama-ginekologiya şöbəsinin mama-ginekoloqu, t.ü.f.d. Sədi Allahverdiyev Birləşmiş Ərəb Əmirliklərinin Dubay şəhərində endoskopik ginekologiyanın aktual problemlərinə həsr olunmuş “IX Endo Dubai 2024” konfransında iştirak edib.

 

Hospitaldan Aztibb.az-a verilən xəbərə görə, tədbirin 3-cü günü Sədi Allahverdiyev "Uşaqlıq boynu lokalizasiyalı miomanın laparoskopik xaric edilməsi" mövzusunda video-təqdimatla çıxış edib.

 

Təqdimat iştirakçılar tərəfindən maraqla qarşılanıb, bu üsulun nadir və maraqlı bir patologiya olduğu qeyd edilib. Əməliyyatın yüksək səviyyədə icra olunduğu panel rəhbərləri tərəfindən vurğulanıb.

 

Sonda auditoriyanı maraqlandıran suallar cavablandırılıb.

 

Qeyd edək ki, beynəlxalq tədbirdə Sədi Allahverdiyevlə yanaşı Azərbaycanın müxtəlif klinikalarından 35 mütəxəssis ginekoloq iştirak edib. 

 

Tədbirdə endoskopik ginekologiyanın müasir problemləri müzakirə olunub. Buraya diaqnostik histeroskopiya, uşaqlıq daxili endovizual cərrahiyə, laparoskopik, robotik cərrahiyənin aktual məsələləri aiddir. Bu gün üçün aktual olan endometrioz cərrahiyyəsi, görüntüləməsi, medikal müalicəsi daha sıx müzakirə olunub.