Yevlax Rayon Mərkəzi Xəstəxanasının direktoru Fazil İsmayılov başda olmaqla bu tibb müəssisəsinin bir qrup əməkdaşı Mingəçevir Şəhər Mərkəzi Xəstəxanasının nəzdində fəaliyyət göstərən Uşaq Nevroloji Sanatoriyasında müalicə alan uşaqlarla görüşüb.

 

 

Xəstəxanadan Aztibb.az-a verilən məlumata görə, görüş zamanı xəstəxananın əməkdaşları sanatoriyanın fəaliyyəti ilə yaxından tanış olub, uşaqlarla səmimi söhbət aparıb, onların müalicəsi, təlim və təbiyəsi ilə bağlı görülən işlərlə maraqlanıb, mənəvi-psixoloji dəstəklərini ifadə ediblər.

 

Daha sonra uşaqların ifasında şeir və mahnı kompozisiyaları dinlənilib.

 

Görüşün sonunda uşaqlara müxtəlif hədiyyələr və geyim əşyaları paylanılıb.