Xaçmazda Xocalı soyqırımına həsr edilən anım tədbiri keçirilib
26.02.2024 16:58
Xaçmaz Rayon Mərkəzi Xəstəxanasının akt zalında Xocalı soyqırımının 32-ci ildönümü il əlaqədar anım tədbiri keçirilib. Tədbirdə Xaçmaz Rayon Mərkəzi Xəstəxanasının direktoru Səyyaf Tağıyev və xəstəxana əməkdaşları iştirak edib.
 
Bu məlumat Aztibb.az-a Rayon Xəstəxanasından verilib.
 
Əvvəlcə respublikamızın ərazi bütövlüyü uğrunda canlarını fəda etmiş şəhidlərimizin və Xocalı soyqırımı qurbanlarının ruhu bir dəqiqəlik sükutla yad edilib.
 
Tədbiri giriş sözü ilə açan Xaçmaz Rayon Mərkəzi Xəstəxanasının direktoru Səyyaf Tağıyev Xocalı soyqırımının Azərbaycan tarixinin ən dəhşətli və faciəli səhifələrindən biri, erməni millətçilərinin xalqımıza qarşı iki yüz il ərzində apardığı etnik düşmənçiliyin növbəti mərhələsi olduğunu diqqətə çatdırıb.
 
Poliklinika şöbəsinin müdiri Rəhman Çıraqmuğani çıxış edərək təkcə Azərbaycan tarixinin deyil, bəşər tarixinin ən dəhşətli faciələrindən biri olan Xocalı soyqırımı haqqında məlumat verib. XX əsrin faciəsi olan Xocalı soyqırımını aqressiv və cinayətkar erməni siyasətinin nəticəsi kimi tariximizdə yer almasını qeyd edərək bildirib ki, bu qanlı aksiya özünün amansızlığına və qəddarlığına görə faşistlərin törətdikləri cinayətləri belə geridə buraxmışdı. “Yaşlıların, uşaqların, qadınların kütləvi surətdə qətlə yetirilməsi Xocalıda soyqırım aktı törədildiyini əyani surətdə sübut edir.
 
Xaçmaz Rayon Mərkəzi Xəstəxanasının Mülki Müdafiə üzrə mütəxəssisi Məzahir Məmmədrəsulov çıxış edərək, Xocalı Soyqırımının tarixi və bu dəhşətli faciənin nəticələri haqqında tədbir iştirakçılarına ətraflı məlumat verib. O bildirib ki, Xocalı soyqırımı heç vaxt xatirələrdən silinməyəcək, lakin Azərbaycanın İkinci Qarabağ müharibəsində əldə etdiyi şanlı Zəfər bu qanlı hadisənin qurbanlarının ruhunu şad edib.
Səadət Məmmədova
Müəllifin digər yazıları