Qubadlı Rayon Mərkəzi Xəstəxanasında müalicə alan Vətən müharibəsi qəhrəmanı, əslən Qubadlı rayonundan olan Anar Qorçuyevin anası Asya Allahverdiyeva xəstəxananın tibbi heyətinə təşəkkür məktubu nvanlayıb.

 

Aztibb.az məktubu sizə təqdim edir:

 

“Mən Asya Allahverdiyeva Sumqayıt şəhər sakiniyəm. Dövlətimiz şəhid ailələrinə hər zaman qayğı göstərir. Bunun biz hər sahədə şahidi oluruq.

 

Uzun müddətdir boyun ağrıları, yuxusuzluq, başgicəllənmə və arterial təzyiqin yüksəlməsinə görə əziyyət çəkirdim. Qubadlı Rayon Mərkəzi Xəstəxanasına müraciət etdim. Fizioterapiya müalicəsinə başladım. Özümü çox yaxşı hiss edirəm. Həkim-terapevt Hüsniyyə Adıgözəlovaya və həkim-nevroloq Günay Həsənovaya öz dərin təşəkkürümü bildirirəm.

 

Bir şəhid anasına göstərilən bu diqqətə görə, başda TƏBİB olmaqla Qubadlı Rayon Mərkəzi Xəstəxanasının rəhbərliyinə və bütün kollektivinə ayrı-ayrılıqda minnətdaram. Məni gülərüzlə qarşıladıqları və yaxından qayğı göstərdikləri üçün hamısından çox razıyam”.