Bakı Dövlət Universitetinin Biologiya fakültəsinin “Biologiya” ixtisası üzrə 13 nəfər IV kurs tələbəsi Elm və Təhsil Nazirliyinin Biofizika İnstitutunda istehsalat təcrübəsinə başlayıb.

Biofizika İnstitutundan Aztibb.az-a verilən məlumata görə, ilk tanışlıq günündə tələbələrə elmi müəssisənin strukturu, əsas fəaliyyət istiqamətləri, institut laboratoriyalarının elmi fəaliyyəti barədə geniş məlumat verilib.

İki ay davam edəcək təcrübə dövründə tələbələr onlar üçün hazırlanmış proqrama əsasən, institutun elmi işçiləri tərəfindən elmi tədqiqat işlərinə cəlb olunacaq və öyrəndikləri nəzəri bilikləri real iş şəraitində tətbiq etmək imkanı əldə edəcəklər.

Qeyd edək ki, təcrübə müddəti aprel ayının 4-də yekunlaşacaq.