"Həkimlərimizi tanıyaq!" rubrikamızda sizə həkimə yaraşan mədəniyyəti və etikası ilə rəğbət qazanmış psixiatr Əliyev Əli Əmirxan oğlunu təqdim edirik.

 

O, 1961-ci ildə Yevlax rayonunda anadan olub. 1978-1984-cü illərdə Azərbaycan Tibb Universitetinin Müalicə işi fakültəsində təhsil alıb. 1984-1985-ci illər ərzində Gəncə Şəhər Təcili Tibbi Yardım Xəstəxanasında internatura keçib.

 

Əli Əliyev 1985-1986-ci illərdə Yevlax Rayon Təcili Tibbi Yardım Stansiyasında həkim, 1986-1991-ci illərdə Yevlax Rayon Mərkəzi Xəstəxanasının Poliklinika şöbəsində həkim-psixiatr, 1991-1996-ci illərdə Tibbi Sosial Ekspertiziya Komissiyasında ekspert nevropatoloq, 1998-2004-cü illərdə Yevlax Rayon Mərkəzi Xəstəxanasının Poliklinika şöbəsinin müdiri, 2004-2017-ci illərdə isə Yevlax Rayon Mərkəzi Xəstəxanasının Poliklinika şöbəsində həkim-psixiatr vəzifələrində çalışıb. Daha sonra 2017-2022-ci illərdə Mingəçevir Ruhi Əsəb Dispanserində həkim-psixiatr kimi fəaliyyət göstərib. O, 2022-ci ildən Yevlax Rayon Mərkəzi Xəstəxanasında həkim-psixiatr işləyir.