Ölkəmizin aparıcı universitetlərindən olan Azərbaycan Tibb Universitetində (ATU) dünyanın müxtəlif ölkələrinin vətandaşları təhsil alır. Bu təhsil ocağı əcnəbi tələbələrinin sayına görə respublikanın ali məktəbləri arasında lider mövqedədir.

 

Universitetdən Aztibb.az-a verilən məlumata görə, hazırda ATU-da 48 ölkədən 2228 xarici tələbə, 17 ölkədən 82 rezident təhsil alır, həkimlik peşəsinin sirlərinə yiyələnir. Həmçinin 2 xarici magistrant və 2 doktorant ATU-da təhsilini davam etdirir.

 

Qeyd edək ki, Azərbaycanda ali məktəblər arasında tələbələrin yataqxana ilə təmin olunması imkanlarına görə də ATU ön sıralardadır. Burada əcnəbi tələbələr üçün müvafiq şərait yaradılıb. Xarici tələbələr ATU-nun mövcud 6 yataqxanasının hər birində yaşaya bilərlər.