2020-ci il doğumlu Anar Novruzov 2022-ci il noyabrın 20-də saat 18.00-da yastı batareya udub. Xətai Tibb Mərkəzinə çatdırılan uşağın qida borusundan yad cisim endoskopik xaric edilib.

 

Bu məlumat Aztibb.az-a Xətai Tibb Mərkəzindən verilib.

 

Bildirilib ki, endoskopiya zamanı qida borusunun (perforasiyası) ağır dərəcəli kimyəvi yanığı aşkar edilib. Qaçılmaz olan əməliyyatlar 4 mərhələdə icra olunub.

Ştamm üsulu ilə qastrostomiya, traxeoezofaqeal fistulanın ləğvi, traxeya deffektinintikilməsi, boyun ezofaqostomiyası, üçüncü mərhələdə qida borusu distal küdülüfistulasının ləğvi və nəhayət, transhiatal total ezofaqoektomiya, qida borusunun mədə ılə əvəzlənməsi, ploromiotomiya, "Witze"l üsulu ilə qidalandırıcı boru yeyunostomiyası əməliyyatları həyata keçirilib.

 

Uşaq tam sağalaraq evə yazılıb.

 

Əməliyyatlar tibb üzrə fəlsəfə doktoru Gündüz Ağayev tərəfindən icra olunub.