Biləsuvar Rayon Mərkəzi Xəstəxanasının baş həkimi Xammədov Zakir Rəhim oğlu yaş həddi ilə bağlı təqaüdə göndərilib.
Xəstəxanadan Aztibb.az-a verilən məlumata görə, tədbirdə Biləsuvar rayon İcra Hakimiyyətinin başçısı Faiq Qürbətov və Mərkəzi Xəstəxananın kollektivi iştirak edib.
Biləsuvar rayon İcra Hakimiyyətinin başçısı Faiq Qürbətov Zakir Xammədovun rayonun səhiyyə sahəsində və ictimai-siyayası həyatında səmərəli fəaliyyətindən danışıb. Qeyd edib ki, Zakir Xammədov Vətən müharibəsi zamanı, eləcə də ermənilərin müxtəlif vaxtlarda təxribatları zamanı yaralanmış əsgər və qazilərimizin müalicəsində, COVİD-19 pandemiyası və qızılca xəstəliyi ilə mübarizə istiqamətində daim əzmlə çalışmış, həm rayon sakinləri, həm də ətraf rayonlardan gələn xəstələrə qayğı göstərərək öz vəzifə borcunu layiqincə yerinə yetirmişdir.
Rayonun səhiyyə sahəsində uzunmüddətli və səmərəli fəaliyyətinə görə Zakir Xammədov Rayon İcra Hakimiyyəti tərəfindən Fəxri fərmanla təltif olunub.