Laçın Rayon Mərkəzi Xəstəxanasının həkim briqadası tərəfindən Qarakeçdi və Ağbulaq kənd həkim məntəqələrində immunoprofilaktik peyvəndlənmə prosesi təşkil olunub.

Bu barədə Aztibb.az-a xəstəxanadan məlumat verilib.

Qeyd edək ki, ölkəyə Səhiyyə Nazirliyi tərəfindən gətirilən qrip əleyhinə vaksinlər Niderland istehsalıdır. Bu peyvəndlər Ümumdünya Səhiyyə Təşkilatının və Avropa Şurasının tövsiyələrinə müvafiqdir.

Mövsümi qrip və qızılca xəstəliklərinə qarşı peyvənd olunma xəstəliklərdən qorunmaq və immun sistemi gücləndirmək üçün tövsiyə olunur. Peyvənd böyüklərə və 6 aydan yuxarı olan uşaqlara təyin etmək üçün nəzərdə tutulub.