Xayası yerində olmadığı üçün valideynləri tərəfindən Şəki Bonum Medicala gətirilən 1 yaş 8 aylıq oğlan uşağı uşaq cərrahı Günel Əmiraslanova tərəfindən uğurla əməliyyat olunub.

Aztibb.az xəbər verir ki, bu barədə Günel Əmiraslanova sosial şəbəkədə məlumat paylaşıb.

Bildirilib ki, müayinə zamanı uşaqda xaya qasıq kanalının aşağı hissəsində yerləşdiyi məlum olub. Xayanın ölçüləri kiçilməyə başladığı üçün cərrahi əməliyyat qərarı verilib.

Əməliyyat tək xayalıq üzərində aparılan kəsiklə həyata keçirilib, yırtıq kisəsi olduğu görülüb. (Bianchi əməliyyatı)