Qəzza Səhiyyə Nazirliyi Xan Yunisdəki Nasser Xəstəxanasında elektrik kəsilməsi və oksigen cihazının işləməməsi səbəbindən reanimasiyada olan 4 xəstənin həyatını itirdiyini bildirib.

Aztibb.az medimagazin.com.tr-yə istinadla xəbər verir ki, Qəzza Səhiyyə Nazirliyinin sözçüsü Əşrəf əl-Qudra bildirib ki, dünən İsrail əsgərlərinin basqın etdiyi Qəzzanın cənubundakı Xan Yunus şəhərindəki Nasser xəstəxanasında yanacaq çatışmazlığı səbəbindən generatorlar işləyə bilməyib.

Kudra qeyd edib ki, reanimasiyada olan 4 xəstə elektrik kəsilməsi və xəstəxanada oksigen cihazlarının işləməməsi səbəbindən dünyasını dəyişib.