İsrail əsgərləri Qəzza zolağının cənubundakı Xan Yunisdəki Nasser xəstəxanasının Doğum şöbəsinə basqın edərək 2 təcili yardım maşınını yararsız hala salıb.

Aztibb.az-ın medimagazin.com.tr-yə istinadla məlumatına görə, Qəzzada Səhiyyə Nazirliyi 25 gündür İsrail ordusunun mühasirəsində olan Nasser Xəstəxanasında son vəziyyətlə bağlı məlumat paylaşıb.

Səhiyyə Nazirliyinin verdiyi açıqlamada İsrail ordusunun "Nasser xəstəxanasını kazarmaya çevirməyə çalışdığı", əsgərlərin xəstəxanadakı təcili yardım mərkəzini və məcburi köçkün fələstinlilərin çadırlarını hədəfə aldıqları, buldozerlərlə xəstəxana şəhərciyindəki kütləvi məzarları məhv etdikləri bildirilib.

Sərhədsiz Həkimlər (MSF) İsrail ordusunu Qəzza zolağının cənubundakı Xan Yunis şəhərindəki Nasser xəstəxanasına hücumlarını dayandırmağa çağırıb.

Qeyd edək ki, yanvarın 22-dən etibarən İsrail ordusu Qəzzanın cənubunda, daha əvvəl "təhlükəsiz zona" olduğunu iddia etdiyi Xan Yunus şəhərinə və şəhərdəki xəstəxanalara həm hava, həm də artilleriya atəşi ilə intensiv hücumlar həyata keçirir.