Respublika Diaqnostika Mərkəzində Anar Əmrah və Şahin Xəlilov tərəfindən daha əvvəl Açıq Ürək Əməliyyatı (AKŞ) tətbiq edilmiş pasiyentə 2-ci dəfə ürək əməliyyatı (kəsik aparılmadan və anesteziya verilmədən qapalı yolla aorta qapağının dəyişdirilməsi) uğurla icra edilib.

 

Mərkəzdən Aztibb.az-a verilən məlumata görə, ciddi təngnəfəslik şikayəti olan pasiyentə Elmi-Tədqiqat Kardiologiya İnstitutunun (ETKİ) mütəxəssislərinin konsiliumu nəticəsində 2-ci dəfə açıq ürək əməliyyatının yüksək riskli olduğuna qərar verilib və pasiyentə TAVİ əməliyyatı tövsiyə edilib.

 

9 fevral 2024-cü il tarixində Ciddi Aorta Qapaq darlığı olan pasiyentə Respublika Diaqnostika Mərkəzində qapalı yolla aorta qapağın dəyişdirilməsi əməliyyatı uğurla icra edilib. Əməliyyatdan 3 gün sonra pasiyent evə buraxılıb.

 

Qeyd edək ki, bu cür əməliyyatları icra etmək üçün RDM-də tam təchiz olunmuş HİBRİD əməliyyatxana mövcuddur. Bu da, mürəkkəb ürək əməliyyatlarının həyata keçirilməsinə imkan yaradır.