Tərtər Rayon Mərkəzi Xəstəxanasından Aztibb.az-a bildirilib ki, tədbirdə tibb müəssisəsinin psixoloqu Təranə Əmiraslanlı ailənin milli-mənəvi dəyərlərin daşıyıcısı olduğunu bildirib. Qeyd edib ki, sağlam ailə modelinin formalaşmasına mane olan amillərdən biri kimi erkən nikaha qarşı mübarizə ən aktual məsələlərdən biridir.

 

Psixoloqun sözlərinə görə, erkən nikah hallarının baş verməsi bir çox hallarda ailələrdə münaqişələrə, boşanmalara və nəticədə sosial cəhətdən həssas qrupların sayının artmasına səbəb olur. Yeniyetmə və gənclərin erkən nikahın və qohumlar arasında nikahın mənfi nəticələrinə dair məlumatlılıq səviyyəsinin artırılmasına xüsusi ehtiyac var və mütəmadi olaraq bu sahədə maarifləndirmə tədbirləri həyata keçirilir.

 

Sonda iştirakçıları maraqlandıran suallar cavablandırılıb.